I ftuar në emisionin “5 Pyetjet” nga Ilir Babaramo, kreu i Partisë Sqipëria Bëhet, Adriatik Lapaj ka folur për pezullimin nga detyra të zv.kryeministres Belinda Balluku nga GJKKO, kjo e fundit e akuzuar për tenderin e Llogarasë me vlerë 190 mln euro.
“Zoti Rama deri përpara kësaj thoshte përgjegjësia lidhur me drejtësinë është individuale e sot na doli kundra asaj duke mbrojtur hapur Ballukun.
Nuk e di pse sot përgjegjësia për zv.kryeministren nuk qenka personale por kolektive, këtu tregon se ai nuk ka asnjë lloj morali politik, qeverisës dhe njerëzor.
Ai ka një frikë të madhe se nuk e ka bërë këtë përpara me ministrat e tjerë, nuk e di ai duhet të ketë ndonjë hall më të madh se kaq”, tha Adriatik Lapaj.
