Kryeministri në detyrë i Kosovës, Albin Kurti, ka uruar sot qytetarët shqiptarë kudo që ndodhen për Ditën e Flamurit.
Ai theksoi rëndësinë historike të 28 Nëntorit, duke rikujtuar ngritjen e flamurit të Kastriotëve në Krujë më 1443 dhe shpalljen e Pavarësisë në Vlorë më 28 nëntor 1912.
Kurti e përshkroi këtë datë si një simbol të shenjtë të historisë shqiptare, i lidhur ngushtë me rrugëtimin drejt lirisë dhe vizionin e Sami Frashërit për një Shqipëri të bashkuar.
