Presidenti francez Emmauel Macron do të pres këtë të hënë në Paris homologun e tij ukrainas Volodymyr Zelenskyn, ky takim vjen pas propozimit të planit të paqes me 28 pika nga presidenti amerikan Donald Trump. Ndërsa një ekip negociator ukrainas ka udhëtuar për në Shtetet e Bashkuara për të diskutuar një plan amerikan që synon të vendosë fundin e konfliktit me Rusinë.
Spas njoftimit të presidencës franceze, thuhet se takimi bilateral ka për qëllim krijimin e partneritetit dhe përfundimin e konfliktit me Moskën.
“Dy liderët do të shkëmbejnë mendime mbi situatën dhe mbi kushtet e një paqeje të drejtë dhe të qëndrueshme, në vijim të bisedimeve në Gjenevë dhe të planit amerikan, si dhe pas konsultimeve të ngushta me partnerët tanë evropianë. Ata gjithashtu do të diskutojnë punën që është bërë mbi garancitë e sigurisë brenda koalicionit të gatshëm për veprime,” njoftoi presidenca franceze.
