Botërori i futbollit në vitin 2026 do të zhvillohet në SHBA, Kanada dhe Meksikë.
Ambasada e SHBA-së në Tiranë ka njoftuar qytetarët dhe sportdashësit për mundësinë e sigurimit të vizave për të marrë pjesë në këtë eveniment ndërkombëtar.
“Shtetet e Bashkuara po ofrojnë udhëtime të sigurta dhe të mbrojtura për tifozët ndërkombëtarë dhe janë të gatshme të përpunojnë aplikimet për vizat e vizitorëve. U nxisim të gjithë ata që kanë nevojë për vizë të aplikojnë sa më shpejt,” thuhet në komunikatën e ambasadës.
