Kreu i Grupit Parlamentar të PD, Enkelejd Bardhi, iu përgjigj deputetit të PS, Ardit Bido, i cili akuzoi demokratët për bojkotimin e ceremonisë së ngritjes së flamurit më 28 Nëntor.
Bardhi e quajti të papranueshme përdorimin e festës kombëtare për përçarje politike dhe theksoi se nderimi i flamurit bëhet përmes veprave të ndershme, jo mbështetjes së korrupsionit apo interesave të huaja.
“Flamuri duhet nderuar çdo ditë, jo vetëm më 28 Nëntor,” tha ai, duke kritikuar qeverinë për politikat që, sipas tij, favorizojnë bizneset e huaja mbi ato shqiptare.
