Shorti i Kupës së Botës 2026 do të zhvillohet të premten, më 5 dhjetor, në “Qendrën Kennedy” të Washingtonit, në orën 12:00 sipas orës lokale (18:00 me atë shqiptare).
Ky edicion do të jetë i veçantë, me 48 ekipe pjesëmarrëse për herë të parë dhe turneun e ndarë në tre vende: SHBA, Kanada dhe Meksikë, që do të zgjasë pesë javë (11 qershor – 19 korrik 2026).
Ekipet janë ndarë në katër vazo bazuar në renditjen e FIFA-s, ndërsa dy ekipet e para nga çdo grup, së bashku me tetë të tretat më të mira, do të kalojnë në raundin tjetër.
Raundi i 1/16 i eliminimit do të shtojë një ndeshje më shumë për ekipet e avancuara, duke e bërë numrin total të ndeshjeve për kampionin tetë.
Shqipëria do të luajë sfidën play-off kundër Polonisë në Varshavë, ndërsa Kosova përballet me Sllovakinë në Bratislavë.
