I dërguari i Presidentit të SHBA-së, Keith Kellogg, njoftoi se marrëveshja e paqes për Ukrainën është shumë pranë finalizimit, por ka mbetur pezull për shkak të dy çështjeve kyçe: e ardhmja e Donbasit dhe kontrolli i termocentralit bërthamor të Zaporizhias.
Gjatë një fjalimi në Forumin Kombëtar të Mbrojtjes Reagan.
“Bisedimet kanë hyrë në ’10 metrat e fundit’, dhe këto janë gjithmonë më të vështirat. Nëse zgjidhen këto dy çështje, pjesa tjetër do të rrjedhë natyrshëm. Po afrohemi vërtet.”
Ai gjithashtu theksoi përmasat tragjike të luftës, duke përmendur më shumë se 2 milionë të vdekur dhe të plagosur që nga fillimi i konfliktit.
Marrëveshja është gjithashtu e vështirë për shkak të shqetësimeve të Ukrainës dhe Evropës mbi propozimet amerikane, që për disa mund të favorizojnë kërkesat e Rusisë.
