Në Tiranë po zhvillohet Forumi Ekonomik, ku marrin pjesë sipërmarrës dhe ekspertë ndërkombëtarë.
Gjatë forumit, kryeministri Edi Rama theksoi se Shqipëria ka kaluar një transformim të dukshëm dhe nuk shihet më si një vend i izoluar, por si një partner i besueshëm dhe një ekonomi në rritje.
“Realiteti ka ndryshuar. Shqipëria nuk shihet më si cep i largët në hartë më, por si një vend ku gjërat ndodhin, ku reformat nuk janë premtime, por praktika dhe transformimet nuk janë slogane, por fakte të përditshme. Vendi ynë qëndron si shtyllë stabiliteti, partner i besueshëm dhe një ekonomi në rritje”, tha Rama në fjalën e tij.
