Aktivistë të lëvizjes “Bashkë” kanë protestuar mbrëmjen e sotme kundër buxhetit që po diskutohet në Parlament. Me pankarta në duar, aktivistë janë mbledhur para Kuvendit, duke përcjellë disa mesazhe.
“Taksoni dhjamin, jo djersën”, “Populli kundër korrupsionit dhe varfërisë”, janë disa nga parrullat që mbajnë të rinj të kësaj lëvizje.
Ata u kanë bërë thirrje qytetarët t’i bashkohen protestës së lëvizjes “Bashkë” para Kuvendit.
“O Edi Rama shko te shokët”, “Populli në aksion për ligj dhe drejtësi”, “Edi Rama shko tek shokët”, janë disa nga thirrjet që dëgjohen jashtë Kuvendit.
Edhe pse në Kuvend diskutohen çështje të rëndësishme si Busheti i vitit të ardhshëm dhe Paketa Fiskale, kryeministri Edi Rama nuk ka marrë pjesë në seancë.
