Një inspektor i IKMT-së në Drejtorinë Rajonale të Kukësit është arrestuar pasi kërcënoi Drejtorin Rajonal, Besart Totën.
Arrestimi i 46-vjeçarit, D. H., erdhi pas një kallëzimi të bërë nga Tota, i cili pretendon se ishte kërcënuar për shkak të një akti konstatimi që kishte realizuar për gërmimin e një toke në fshatin Krenzë, nga 33-vjeçari M. L., djali i xhaxhait të të arrestuarit.
Ky i fundit do të hetohet në gjendje të lirë për veprën penale “Shpërdorimi i tokës”.
Policia ka nisur procedimin penal për të dyshuarit, ndërsa materialet e çështjes i janë referuar Prokurorisë për hetime të mëtejshme.
