Organizatat e dala nga UÇK-ja do të mbajnë një protestë në Shkup sot në mbështetje të ish-krerëve të UÇK-së që po gjykohen në Hagë.
Protesta do të nisë në orën 13:00 te “Sheshi Skënderbeu”.
Kryeministri maqedonas, Hristijan Mickoski, e ka quajtur protestën “lëvizje të gabuar” dhe nuk e mbështeti, por ka formuar një “shtab krize” për të siguruar paqe.
Ky është raundi i pestë i protestave, pas atyre në Prishtinë, Hagë, Tiranë dhe Strasbourg.
Ish-udhëheqësit e UÇK-së, të akuzuar për krime lufte, ndodhen në paraburgim në Hagë që nga 2020.
