Kremlini ka hedhur poshtë thirrjet për një armëpushim gjatë periudhës së Krishtlindjeve, duke theksuar se një pushim i tillë nuk do të ndihmonte në arritjen e një marrëveshjeje paqeje të qëndrueshme.
Zëdhënësi i Kremlinit, Dmitry Peskov, deklaroi se Rusia dëshiron paqe, por nuk është dakord që të ofrohet një pauzë luftarake vetëm për të lejuar Ukrainën të riforcohet për vazhdimin e konfliktit.
“Ne duam paqe, nuk duam një armëpushim për t’i dhënë Ukrainës një pushim për t’u përgatitur për vazhdimin e luftës”, tha Peskov, duke shtuar se çështja e arritjes së një marrëveshjeje është ende e hapur, por nëse Ukraina synon vetëm vendime të përkohshme, Rusia nuk është e gatshme të marrë pjesë në to. “Nëse ukrainasit, në vend të një marrëveshjeje paqeje, synojnë vendime të përkohshme dhe jopraktike, atëherë vështirë se jemi gati të marrim pjesë në këtë”, përfundoi ai.
