Në një fjalim të mbajtur në Kavajë, kryetari i PD-së, Sali Berisha, theksoi se është koha për të luftuar kundër “diktaturës së dytë” që, sipas tij, po shkatërron Shqipërinë dhe shqiptarët.
“Të ngrihemi për të përmbysur diktaturën e dytë. Diktaturën e cila po shkatërron me shpejtësi Shqipërinë dhe shqiptarët. Ju garantoj ju se Edi Rama qëndron në pushtet, jo se është i zoti, jo se ka mbështetje. Qëndron në pushtet se nuk ngrihemi ne. Por ne do ngrihemi. Ne, qytetarët e lirë, që i besojmë lirisë, s’pranojmë kurrë një regjim si ky. Vetëm, vetëm një emër që e keni dëgjuar vetë këto dy vitet e fundit. Ergys Agasi, i larguar. I larguar apo në shkozetë, hajde merre vesh tani. Por në një transaksion ka 50 milionë euro të vjedhura qytetarëve. Vetëm në një transaksion jashtë shtetit. Vjedhjet e tyre janë të pafundme. Do u japim atë që meritojnë.”
