Prej orës 10 të ditës së sotme Ish-Presidenti Ilir Meta po jep dëshminë përpara prokurorit Alfred Shehu për dosjen e 21 Janarit. Ishte vetë Meta që kërkoi që të pyetej për këtë dosje.
Një tjetër dosje e nxehtë sot në gjykatë e posaçme të Apelit është e Belinda Ballukut. Para gjyqtares Miliana Muça kanë dalë dy drejtorë të Ballukut në ministrinë e Infrastrukturës për pezullimin e masës së sigurisë.
Balluku vetë nuk është paraqitur por është përfaqësuar nga avokati. Zv/ kryeministrja kërkon heqjen e pezullimit nga detyra, por kjo çështje tani është në Kushtetuese dhe sipas të gjitha gjasave do të shprehet vetëm për masën e ndalimit të daljes jashtë vendit.
Në gjykatën e Posaçme sot janë paraqitur edhe zyrtarë, drejtorë dhe funksionarë të lartë të shtetit dhe policisë për dosjen e tenderave.
