Kreu i Partisë Demokratike, Sali Berisha, ka shpërndarë në rrjetin social Facebook një video të gazetarit Andi Bushati, ku ai ka bërë akuza të ashpra ndaj Partisë Socialiste dhe qeverisjes aktuale.
Në deklaratën e tij, Bushati shprehet se PS-ja duhet të çojë çështjen në Gjykatën Kushtetuese dhe të shpallet jashtë ligjit, duke e cilësuar si një bandë kriminale që vazhdon të veprojë për të shfrytëzuar dhe abuzuar me pasuritë e shtetit.
Sipas deklaratës së cituar në video, pa një veprim të tillë institucional, situata politike dhe shoqërore nuk mund të marrë zgjidhje.“Kështu fillon në çdo vend. Pa nxjerrë jashtë ligjit PS si një bandë e organizuar që ka për qëllim të vjedhë gjithçka, kjo gjë nuk merr fund”, thuhet në deklaratë.
