Një ditë para protestës së opozitës, në ambientet e jashtme të godinës së Kryeministrisë ka nisur vendosja e mburojave metalike në fasadën përballë bulevardit të madh “Dëshmorët e Kombit”, atje ku të hënën është lajmëruar të mbahet protesta kombëtare e thirrur nga opozita kundër qeverisë.
Disa punonjës të shërbimit, kanë vendosur pjesët metalike me qëllim mbrojtjen e godinës nga ndonjë sulm i mundshëm prej protestuesve. Protesta e opozitës është lajmëruar të mbahet në orën 18:00 më 22 dhjetor.
