Ish-deputeti i Partisë Demokratike, Ervin Salianji, ka marrë pjesë në protestën kombëtare të opozitës, e cila u zhvillua mbrëmjen e sotme para Kryeministrisë.
Gjatë komunikimit me mediat, ai ka akuzuar qeverinë për përfshirje në skandale të shumta dhe ka theksuar se ka ardhur momenti për të rrëzuar këtë pushtet.
“Qeveria ka rënë në të gjitha dimensionet, skandalet e fundit të Ballukut kanë treguar se gjithçka në këtë vend bëhen për interesa personale të Edi Ramës dhe të një grupi njerëzish dhe për këtë arsye opozita dhe qytetarët, populli, duhet të jetë i gjithi në shesh dhe në përballje me qeverinë ndaj edhe qytetarët të dalin masivisht”, u shpreh ai mes të tjerash.
