Banorët e qytetit të Durrësit përsëri u janë rikthyr protestave kundër projektit TID, pasi sipas tyre projekti i shërben vetëm qeverisë dhe atyre të pasurve pa marrë parasysh jetën dhe shtëpitë e banorëve.
Banorët kërkuan nga Këshilli Bashkiak i Durrësit nisjen e një hetimi për projektin dhe pasojat e tij.
Të vendosur për të mbrojtur pronën e tyre, banorët i bënë thirrje SPAK-ut të hetojë mbi këtë projekt dhe ata që e firmosën atë.
Prej muajsh, banorët protestojnë kundër shembjes së banesave dhe shpronësimeve që janë larg vlerës reale të tregut. Projekti për transformimin e integruar të Durrësit, zbatohet nga Fondacioni Shqiptaro-Amerikan për Zhvillim.
Sipas hartuesve, projekti synon zhvillimin e parkut arkeologjik dhe turizëm të shtuar në qytet, por për 74 familje që preken prej tij, projekti është kërcënim për ekzistencën dhe historinë urbane të Durrësit.
