Partia Socialiste ka rishikuar kërkesën e saj për përjashtimin e 29 deputetëve të opozitës, duke kërkuar tani masa ndëshkimore për vetëm 10 prej tyre pas tensioneve gjatë seancës së kaluar parlamentare.
Ulsi Manja ka propozuar që për 19 deputetët e tjerë të mos merret asnjë masë.
Për deputetët që kërkohet përjashtimi, masa do të jetë 60 ditë për 7 deputetë, ndërsa 30 ditë për 3 të tjerë.
Këta deputetë akuzohen për shkelje të rregullave parlamentare, përdorim të lëndëve piroteknike dhe veprime dhune ndaj Gardës së Republikës.
