SHBA ka vendosur sanksione vizash ndaj pesë zyrtarëve evropianë, duke përfshirë ish-Komisionerin Thierry Breton, për të cilët thuhet se kanë nxitur censurë ndaj kompanive dhe qytetarëve amerikanë.
Breton e quajti vendimin “gjueti shtrigash”, ndërsa tensionet mes Uashingtonit dhe Brukselit janë rritur dukshëm.
“Franca dënon masat kufizuese të vizave të ndërmarra nga Shtetet e Bashkuara kundër Thierry Breton dhe katër figurave të tjera evropiane. Rregulloret digjitale të Bashkimit Evropian zbatohen brenda Europës për të garantuar konkurrencë të ndershme, pa synuar asnjë vend të tretë. Së bashku me Komisionin Evropian dhe partnerët tanë evropianë, ne do të vazhdojmë të mbrojmë sovranitetin tonë digjital dhe autonominë tonë rregullatore”, tha Macron.
