Një zjarrfikës në Pogradec është arrestuar pasi u zbulua se po shiste drogë nga lokali që ai administronte.
Gjatë kontrollit të ushtruar në kuadër të operacionit “Aktiviteti”, policia gjeti një sasi lënde narkotike, një pjesë e së cilës ishte e ndarë në doza për shitje, si dhe një shumë parash që dyshohet të jetë siguruar nga ky aktivitet.
Po ashtu, u sekuestruan dy aparate celularë.
I arrestuari, L.S., 54 vjeç, u ndalua pasi u gjetën prova që lidhen me veprat penale të trafikimit të narkotikëve.
Materialet e procedurës iu referuan Prokurorisë së Korçës për veprime të mëtejshme.
