Kryeministri Edi Rama zhvilloi konferencën e fundit për mediat këtë vit ku bëri një përmbledhje për punën e qeverisë dhe objektivat për 2026-tën.
Kryeministri tha se “krahasuar me vendet e Ballkanit Perëndimor, Shqipëria është vend lider në funksionimin e administratës, menaxhimin e financave publike, të burimeve njerëzore dhe shërbimeve publike. Normalisht kjo është kundër çorbës që zien në tenxheret mediatike e politike” tha ai.
“Shqipëria ka një pozicion shumë inkurajues, e 39-ta në klasifikimin e përgjithshëm dhe vetëm e 9-ta në gjithë pjesën e Europës lindore”, deklaroi ai.
“Sa i përket lirisë ekonomike, renditet para vendeve si Polonia, Kroacia, Greqia apo Hungaria. Po ashtu për lirinë njerëzore”, shtoi më tej, duke e cilësuar një pasqyrë tejet pozitive.
