Një 34-vjeçar është arrestuar në Elbasan pasi ishte shpallur në kërkim ndërkombëtar nga autoritetet kosovare për përfshirje në veprimtari kriminale në fushën e narkotikëve.
A. S., banues në Cërrik, ishte shpallur në kërkim nga Gjykata Themelore e Pejës, e cila i kishte caktuar masën e sigurisë “Arrest në burg” për akuzat e “Kultivimit të narkotikëve” dhe “Prodhimit dhe shitjes së narkotikëve”.
Interpol Tirana, në bashkëpunim me policinë kosovare, realizuan arrestimin e tij dhe tani po punohet për ekstradimin e tij drejt Kosovës.
