Presidentja e Kosovës, Vjosa Osmani, ka shprehur mbështetjen e saj për operacionin e Shteteve të Bashkuara të Amerikës në Venezuelë, duke theksuar se Kosova qëndron fuqishëm përkrah SHBA-së dhe presidentit Donald Trump në veprimet kundër regjimit që ajo e cilëson si narko-terrorist.
Ajo ka nënvizuar se Kosova e kupton rëndësinë e vendosmërisë amerikane, duke e lidhur këtë me përvojën historike të çlirimit të vendit.
“Kosova e kupton ndikimin e vendosmërisë amerikane – çlirimi ynë është një dëshmi e kësaj. Në një moment kur SHBA-të po përballen me tiraninë në Venezuelë, të gjithë duhet ta përforcojmë këtë qëndrim, sepse komuniteti transatlantik është më i fortë kur bashkohet pas lidershipit amerikan dhe vlerave të përbashkëta. Kur Amerika udhëheq, ne qëndrojmë me krenari së bashku sepse liria jonë kolektive varet prej saj”, ka shkruar Osmani.
