Kryetari i lëvizjes “Shqipëria Bëhet”, Adriatik Lapaj ka reaguar sërish nga sheshi para Kryeministrisë duke akuzuar qeverinë për korrupsion, vjedhje të pronave publike dhe mungesë totale përgjegjësie institucionale.
“Mos u kujtoni të brohorisni vetëm për hallin tuaj. Çohuni për shoqërinë, për vendin, për demokracinë.
Paratë tuaja nuk duhet t’i vjedhë Balluku. Na duhen tunele me hekur, jo vjedhje.
Askush nuk mbajti përgjegjësi për përmbytjet, për dëmet në bujqësi. Subvencionet janë vjedhur, pse heshtni?
Rinia po ikën, vendi po zbrazet, popullsia po plaket. Luftoni për fëmijët tuaj që të mos largohen nga Shqipëria.
Për të hequr dy çadra erdhën 300 policë. Çadrat nuk penguan ambulancën dhe nuk shkaktuan trafik”, u shpreh ai.
