Adriatik Lapaj, kreu i Lëvizjes “Shqipëria Bëhet”, ka folur për protestën që po mbahet para Kryeministrisë prej 28 ditësh.
Ai theksoi se strategjia e lëvizjes mbetet qëndresa qytetare, pa u ndikuar nga numri i pjesëmarrësve. Lapaj u shpreh se qëllimi është thyerja e frikës dhe dhënia e një modeli ndryshe proteste, duke nënvizuar se ata po luftojnë për t’i dhënë vendit një “shërim të mirë”.
Gjatë protestës, ai kritikoi disa persona civilë që, sipas tij, po fotografonin dhe filmonin protestuesit, duke e quajtur këtë një përpjekje intimidimi.
Lapaj kërkoi që protesta të zhvillohet paqësore dhe pa pasur presion ndaj qytetarëve që shprehin mendimin e tyre. Ai e quajti të paligjshëm veprimin e civilëve që po krijonin pasiguri dhe frikë mes protestuesve.
