Depozitat e ujit në tarracat e pallateve në Durrës po përbëjnë një rrezik serioz për sigurinë e banorëve.
Pesha e madhe e depozitave ka shkaktuar dëmtime në struktura, duke çuar në lagështi dhe çarje, ndërkohë që rrezikohet shembja e tarracave.
Banorët e një pallati pranë rrugës së Portit, të njohur si “pallati me topa”, shprehen të shqetësuar për sigurinë e ndërtesës, pasi kjo ka pësuar dëmtime nga tërmeti i vitit 2019.
Ata kërkojnë ndërhyrje urgjente për furnizimin me ujë dhe kontrollin e gjendjes strukturore të pallatit, pasi ndihen të braktisur dhe të ekspozuar ndaj rrezikut të përditshëm.
