Në hyrje të Shqipërisë, në pikën e kalimit kufitar të Morinës, shërbimet e Policisë Kufitare kanë arrestuar një kosovar të shpallur në kërkim ndërkombëtar nga autoritetet lituaneze.
B. K., 39 vjeç, banues në Kosovë, ishte dënuar me 2 vjet e 3 muaj burgim nga Gjykata e Vilnusit për veprat penale “Dëmtimi i papërfillshëm i shëndetit” dhe “Kërcënimi për të vrarë ose për t’i shkaktuar një dëmtim të rëndë shëndeti”.
Arrestimi i tij u bë si rezultat i kontrolleve të përzgjedhura dhe verifikimeve të vazhdueshme nga Policia Kufitare dhe DVP Kukës, të cilat synojnë ndalimin e shtetasve që përpiqen të shmangin përgjegjësitë ligjore.
Pas verifikimeve dhe shkëmbimit të informacionit me Interpol Tiranën, autoritetet zbuluan se 39-vjeçari ishte nën kërkim ndërkombëtar.
