Seanca gjyqësore për çështjen ndaj Ilir Metës, Monika Kryemadhit dhe personave të tjerë të hetuar nga SPAK është shtyrë dhe do të zhvillohet më 11 maj.
Avokati i Ilir Metës, Kujtim Cakrani kërkoi që gjykata të lejonte procesin LIVE për transmetim dhe që ish-presidenti të nxirrej nga kafazi gjatë gjyqit.
Shtyhet gjyqi i Metës, Kryemadhi: Iliri dhe Veliaj po mbahen kot në burg!
“Presidenti i Republikës në kafaz! Kjo është e papranueshme edhe për kryetarin e bashkisë dhe cdo person tjetër. Këto sjellje i bënte vetëm ISIS që i arrestonte dhe i shëtiste në qytet në kafaz.
Palaçot më të mëdhenj janë ata të KLGJ-së që nuk thonë një fjalë për shkeljen e të drejtave të njeriut. Prandaj sot jam më i acaruar. Ky është diskriminim” tha ai.
Gjatë seancës së sotme, Monika Kryemadhi ka kërkuar që mbrojtjes t’i vihen në dispozicion të dhënat e ekspertimit të aparatit celular dhe përgjimet ambientale, duke kërkuar akses të plotë në materialet hetimore.
