Kryetari i Partisë Demokratike, Sali Berisha foli sot nga podiumi i Foltores së gjashtë të opozitës, duke thënë se forcat Delta të opozitë së shpejti Ramës do ti zbarkohen në Surrel, sipas tij këta janë opozita që ndodhet në shesh.
Kreu i selisë blu nuk kurseu edhe krahasimet dhe epitetet ndaj kryeministrit Edi Rama, duke e krahasuar me Nicolas Maduron, presidentin e Venezuelës, që është arrestuar nga SHBA-të.
Dhe ndërsa përshkroi operacionin amerikan në Venezuelë, Berisha nënvizoi se nuk është nevoja që të vijnë forcat “Delta” nga Amerika, pasi qeveria dhe Rama do rrëzohen nga “Delta” e opozitës në shesh, madje duke i shkuar deri në Surrel.
“Nuk themi që forcat delta të zbarkojnë në Surrel, ja ku i ke Deltat tonë, ja këta, do zbarkojnë në Surrel. Këta Deltat tanë do vijnë në Surrel. Priti se do vijnë në Surrel. Si Maduro edhe ti do përfundosh në gjykatë, bashkë me Lindat dhe të tjerët. E kuptoni pse thonte në artikull se jam Maduro. Jo jo je Ramaduro”, tha Berisha.
