Kreu i “Shqipëria Bëhet”, Adriatik Lapaj, ka folur për përplasjen me policinë gjatë protestës së tij dhe ka theksuar se aksionet do të vazhdojnë, pavarësisht incidenteve dhe dhunës që ndodhën.
“Ne kishim bërë njoftimin për protestën në përputhje me procedurat, por policia erdhi dhe hoqi çadrat në mënyrë dhunshme, duke shkaktuar përplasje që më çoi në spital. Do ta ndjek çështjen ligjërisht dhe do të bëj ankesë pranë Autoritetit të Mbikëqyrjes së Policisë, pasi kjo sjellje ka rrezikuar jetën time. Edhe Avokati i Popullit nuk ka kontaktuar me ne për të trajtuar këtë çështje,” tha Lapaj.
