Ilir Alimehmeti, anëtar i Këshillit Kombëtar të PD-së, vuri në dukje se Shqipëria po kalon një emergjencë kombëtare, jo vetëm për shkak të përmbytjeve të fundit, por për shkak të një qeverisjeje që e sheh si të dëmshme dhe antikombëtare.
Ai kërkoi angazhim të fortë dhe të qëndrueshëm nga opozita për të përballuar sfidat që po dëmtojnë vendin, si shpopullimi, korrupsioni dhe fenomenet e tjera negative.
“Ne jemi në emergjencë kombëtare. Po na vjedhin jo vetëm fondet, por çdo gjë që përfaqëson ky shtet. Duhet të vendosim do të marrim rolin e spektatorit apo aktorit. Këtu ka nevojë për veprim. Ne duhet të shkojmë drejt veprimit. Kalon përmes rrugës e bulevardit, por duhet të kalojë në mënyrë të fortë e të qëndrueshme dhe të përshkallëzuar,” tha Alimehmeti.
