Rritje e nivelit të ujit është regjistruar në fshatrat Adriatik, Golem dhe Patok në Kurbin, pas dëmtimit të argjinaturës në krahun e Durrësit.
Sipas Emergjencave Civile, zona e Fushë-Kuqes po mbahet nën vëzhgim të vazhdueshëm, si një nga më të rrezikuarat.
Ndërkohë, në disa zona të Gjorëmit në Mamurras ujërat kanë nisur të tërhiqen.
Autoritetet po vijojnë punën për riparimin e argjinaturës, pastrimin e grykëderdhjeve të përrenjve dhe rehabilitimin e segmenteve rrugore të dëmtuara.
