Presidenti i SHBA-së, Donald Trump, ka deklaruar se Uashingtoni po përgatitet për ndërmarrjen e sulmeve tokësore kundër karteleve të drogës në Meksikë, duke sinjalizuar një përshkallëzim të fortë të qasjes amerikane ndaj krimit të organizuar.
Deklarata ka ngjallur reagime dhe shqetësime ndërkombëtare, për shkak të implikimeve që një veprim i tillë mund të ketë për stabilitetin rajonal dhe marrëdhëniet mes dy vendeve.
“Tani do të fillojmë me goditjet tokësore ndaj karteleve. Janë kartelet që po e drejtojnë Meksikën; është shumë e trishtueshme të shohësh se çfarë i ka ndodhur atij vendi,” tha Trump për Fox Neës. Më herët, shefi i Shtëpisë së Bardhë qe mburrur me fuqitë e tij të mëdha në politikën e jashtme, kur u pyet mbi limitet e asaj çfarë ushtria amerikane mund të bënte në rajon.
“Morali im. Mendja ime. Është e vetmja gjë që mund të më ndalojë,” i tha ai The Neë York Times. Trump ka sugjeruar se Groenlanda, Kuba dhe Kolumbia mund të jenë shënjestrën e radhës në listën e tij të operacioneve amerikane, duke zemëruar NATO-n dhe udhëheqës botërorë nga kryeministri britanik Keir Starmer deri te presidenti francez Emmanuel Macron.
