Në një takim të zhvilluar sot nga Partia Demokratike, Sali Berisha ka kritikuar ashpër qeverinë e Edi Ramës, duke e akuzuar për krijimin e një “narkoshteti” që paraqet rrezik për Shqipërinë dhe për Europën.
Ish-kryeministri ka theksuar se përgjegjësia e qeverisë aktuale është e madhe në këto kohë kritike, duke shtuar se Shqipëria po kalon një moment të vështirë dhe ka nevojë për udhëheqje të përgjegjshme dhe të qëndrueshme.
“Përfundimi i këtij takimi me një front të përbashkët në këto kohë kritike që kalon Shqipëria është përgjigja më e duhur, përgjegjësia më e vërtetë që ne marrim në këto momente për kombin tonë. Vlerësohet si një vlerësim dhe narkoshtet për Europën, rrezik për Europën. Ky narkoshtet u krijua nga qeveria aktuale, nga Edi Rama, për qëllime me ogur të zi për Shqipërinë dhe shqiptarët. Ju e kujtoni vitin e zi 2015, kur u mblodhën me mijëra plantacione me kanabis, se si propaganda qeveritare i risillte shqiptarëve si ekonomi dhe si qeveri. U kundërshtua nga njerëz të përgjegjshëm, konkretisht nga ish-ministri, që kjo nuk është e duhura, dhe Rama ju shpreh që kjo është mënyra e duhur.”
