Sekretari i Përgjithshëm i NATO-s, Mark Rutte, ka zhvilluar një bisedë me Sekretarin amerikan të Shtetit, Marco Rubio, bëri të ditur Aleanca e Atlantikut të Veriut.
Lajmi u konfirmua përmes një postimi në platformën X nga Alison Hart, zëdhënëse e NATO-s, ndërsa më herët ishte njoftuar edhe nga Departamenti Amerikan i Shtetit.
Sipas njoftimit, biseda u përqendrua në rëndësinë strategjike të Arktikut për sigurinë e përbashkët dhe në përpjekjet e NATO-s për të forcuar kapacitetet e saj në Rajonin e Largët Verior.
Po ashtu, dy zyrtarët diskutuan edhe për përpjekjet e vazhdueshme, të udhëhequra nga Shtetet e Bashkuara, për t’i dhënë fund luftës në Ukrainë në një mënyrë të drejtë dhe të qëndrueshme.
