Sot u mbajt seanca paraprake në Gjykatën e Posaçme për ish-presidentin Ilir Meta dhe ish-gruan e tij, Monika Kryemadhin, të akuzuar për korrupsion dhe pastrim parash.
Pas rreth 30 minutash, seanca u shty për në 22 janar. Gjatë seancës, Meta dhe Kryemadhi ishin të pranishëm, ndërsa Kryemadhi u pa duke buzëqeshur para mediave, por nuk bëri asnjë koment.
Avokati i Metës, Kujtim Cakrani, i tha gazetarëve se do të fliste pas seancës. Meta kërkon ndryshimin e masës së sigurisë, duke argumentuar se ka kaluar afati i paraburgimit.
