Prokurorët e Koresë së Jugut kërkuan dënimin me vdekje për ish-presidentin Yoon Suk Yeol, duke e akuzuar për kryengritje pas shpalljes së gjendjes së jashtëzakonshme në vitin 2024.
Hetimet sugjerojnë se Yoon kishte hartuar një plan që nga viti 2023 për të marrë kontrollin e institucioneve shtetërore dhe për të qëndruar në pushtet.
Ai ka mohuar akuzat, duke thënë se shpallja e gjendjes ushtarake ishte një masë e nevojshme për të parandaluar një rebelim të supozuar.
Dekreti i tij shkaktoi protestat e qytetarëve dhe u rrëzua shpejt nga parlamenti, duke thelluar krizën politike dhe duke çuar në një fushatë shkarkimi ndaj tij.
