Parlamenti i Ukrainës ka bllokuar emërimin e Denys Shmyhal në krye të Ministrisë së Energjisë, duke krijuar një precedent të pazakontë në raport me vendimet e presidentit Volodymyr Zelensky. Kandidatura e tij nuk arriti të kalojë votimin, pasi nuk u sigurua shumica e nevojshme parlamentare.
Refuzimi vjen në një periudhë tejet të ndjeshme për vendin, ndërsa sektori energjetik përballet me sulme të vazhdueshme ruse dhe pasojat e skandaleve të mëparshme të korrupsionit.
Deputetë të opozitës kanë shprehur hapur kundërshtimin ndaj riorganizimit të qeverisë gjatë kohës së luftës, duke e cilësuar atë të nxituar dhe të rrezikshëm për stabilitetin institucional.
Vendimi i parlamentit shihet si një sinjal politik se jo çdo reformë e propozuar nga presidenti do të kalojë pa rezistencë.
