Në takimin e radhës të “Foltores” në Laprakë, deputeti Belind Këlliçi foli për sfidat që ka kaluar Partia Demokratike dhe angazhimin e saj për të rrëzuar regjimin e Edi Ramës.
Ai i bëri thirrje qytetarëve dhe demokratëve të mblidhen më 24 janar për të marrë pjesë në protestën kombëtare, duke theksuar rëndësinë e bashkimit për ndryshim.
“Kemi shpëtuar PD nga shkatërrimi dhe synimet për ta dëmtuar bashkë me ju dhe jemi krenar. Jemi besimplotë se do vazhdojmë të punojmë për Shqipërinë, për ta anëtarësuar në BE dhe integruar. Ju jeni heronjtë e pamposhtuar dhe pas kontributit dhe sakrificave fati do ju buzëqesh.”
