Trajneri i Torinos, Marko Baroni, ka vendosur të mos përfshijë Kristjan Asllanin në listën e lojtarëve për ndeshjen e Seria A ndaj Romës, një vendim që ndodh për herë të parë në kampionat për mesfushorin e Kombëtares.
Asllani kishte mbetur gjithashtu jashtë skuadrës në Kupë.
Pas largimit të tij nga Interi, Asllani ka kaluar në Torino, por zgjedhja teknike e Baroni tregon se ardhmëria e tij te skuadra është në pikëpyetje.
Interi po punon për të gjetur një klub të ri për lojtarin, por përpjekjet nuk janë të lehta.
Nga ana tjetër, lajmi i mirë është se Ardian Ismajli është i gatshëm për të luajtur me ekipin pas rikuperimit nga dëmtimi në Kupë.
