Nga dera e SPAK-ut, ku u paraqit për masën e sigurisë detyrim paraqitje për dosjen “Partizani”, Sali Berisha akuzoi se prokuroria e posaçme e dekonspiroi operacionin e goditjes së Call Center-it në qendër të Tiranës që mashtroi qytetarët europianë.
“Call Center, Forex. U dekonspirua operacioni dy vjeçar të një grupi gazetarësh italianë. Ky treg është nga më kriminalet në Ballkan, Europë dhe botë. Janë 200 sipërmarrje të patronuara nga Olsi Rama, ortaku i Armand Josifit, që ditë e natë vjedhin qytetarët e huaj me mashtrimin.
Call Center që u kontrollua sipas hetimit që kanë bërë me agjentët e vetë vidhte në muaj 30 milionë euro të paktën, me mashtrim. Kjo veprimtari kriminale është absolutisht e tëra në mbikëqyerjen e narkopolicisë, njëlloj si dikur, që për cdo rrënjë kanabis paguhej tarifa prej 300 euro, për cdo kompjuter paguhen tarifa zyrtarëve të policisë që mbyllin sytë përpara një veprimtarie të tillë.
Qytetarëve u thuhet, “sille shumën se do të marrësh kaq dhe se e ke humbur në bursë”. Kati i 13-të ky ka punuar grupi i hienës dhe u kanë dhënë cdo informatë ekipit që hetonte kanë të gjitha fotot dhe videot për të gjitha veprimtaritë por kur shkuan e gjetën të boshatisur dhomën” tha Berisha.
