Ministri i Mbrojtjes, Pirro Vengu, ka pritur homologun e tij belg, Theo Francken, i cili zhvilloi një vizitë zyrtare në Tiranë.
Gjatë këtij takimi, të dy ministrat diskutuan mbi forcimin e mëtejshëm të bashkëpunimit dypalësh, me fokus të veçantë në fusha kyçe si stërvitjet e përbashkëta, rritjen e ndërveprimit operacional dhe zhvillimin e industrisë së mbrojtjes.
“Kënaqësi të prisja në Tiranë homologun belg Theo Francken, një mik i vyer i vendit tonë. Me Belgjikën po punojmë për të thelluar bashkëpunimin në stërvitje të përbashkëta, ndërveprim operacional dhe industrinë e mbrojtjes, si pjesë e përpjekjes për të rritur kapacitetet tona dhe sigurinë rajonale.”
