Ambasada e SHBA në Tiranë ka shpërndarë një deklaratë të Sekretarit të Shtetit, Marco Rubio, ku theksohet se, brenda një viti, Presidenti Donald Trump ka rikthyer sovranitetin amerikan dhe ka ndjekur një politikë paqeje përmes forcës.
Deklarata thekson se udhëheqja e Trump ka rritur respektin nga aleatët dhe ka frikësuar kundërshtarët, duke vendosur popullin amerikan në radhë të parë.
“Premtime të bëra, premtime të mbajtura”, është mesazhi i përmbylljes që përcillet në këtë postim, i cili nënvizon angazhimin e administratës për të mbrojtur interesat amerikane dhe forcimin e pozicionit të SHBA-së në arenën ndërkombëtare.
