Në Forumin Ekonomik Botëror që po zhvillohet në Davos, Zvicër, Kryeministri i Kosovës, Albin Kurti, ka shfrytëzuar mundësinë për të theksuar lidhjet e ngushta mes Kosovës dhe Shqipërisë, duke i cilësuar ato si një komb të vetëm.
Kurti e ka ndarë mendimin se, megjithëse dy shtetet janë të pavarura dhe kanë pasaporta të ndryshme, identiteti dhe lidhjet e tyre janë të paprekura nga kufijtë administrativë.
“Edhe pse kemi dy shtete dhe dy pasaporta, nuk ka dy kombe të ndryshme. Kosova dhe Shqipëria janë një komb i vetëm,” tha Kryeministri Kurti gjatë fjalës së tij në Davos.
