Ministri i Bujqësisë, Andis Salla, ka prezantuar Blerina Gjylametin si Drejtoreshë të Përgjithshme të Autoritetit Kombëtar të Ushqimit (AKU).
Gjatë fjalës së tij, Salla theksoi rëndësinë e menaxhimit efikas të AKU-së dhe sigurisë ushqimore, duke e cilësuar si prioritet kombëtar dhe një element kyç për integrimin e Shqipërisë në BE.
Ai theksoi se AKU do të forcojë besimin e publikut dhe do të vazhdojë të sigurojë ushqim të sigurt dhe cilësor përmes kontrolleve të avancuara.
Në fund, Salla falënderoi drejtuesin e deritanishëm dhe uroi suksese Gjylametit në detyrën e re.
