Zbardhen detaje të reja nga ngjarja e rëndë që ndodhi sot në lagjen nr.12 në Durrës. Babai qëlloi me thikë të bijën 24 vjeçare dhe një djalë.
Ky i fundit, sipas policisë, ishte kalimtar rasti, i cili ka ka ndërhyrë në momentin që babai ka plagosur vajzën e tij. Autori i ngjarjes, 56 vjeç, është shpallur në kërkim nga policia. Blutë kanë ngritur pika kontrolli në qytetin bregdetar.
Prindërit e vajzës së plagosur ishin të divorcuar, dhe babai jetonte në Itali. Ky i fundit kishte tentuar të ribashkohej me familjen e tij por dyshohet se vajza nuk ka pranuar.
