Kryeministri izraelit, Benjamin Netanyahu, deklaroi se Izraeli nuk do të lejojë krijimin e një shteti palestinez, duke theksuar se ky proces nuk ka ndodhur dhe nuk do të ndodhë as në të ardhmen.
Gjatë një konference për shtyp, ai nënvizoi se vendi i tij do të ruajë kontrollin e sigurisë mbi të gjithë zonën nga lumi Jordan deri në Detin Mesdhe, përfshirë territorin e Gaza-s.
Netanyahu theksoi se Izraeli po përqendrohet në çarmatimin e Hamasit dhe demilitarizimin e enklavës, duke shtuar se nuk do të heqë dorë nga këto objektiva, pavarësisht mundësive të negociatave me palë të treta.
“Dëgjoj të thonë se do të miratoj krijimin e një shteti palestinez në Gaza. Kjo nuk ka ndodhur dhe nuk do të ndodhë,” tha Netanyahu, duke theksuar se Izraeli do të ruajë kontrollin e sigurisë në territorin e vet dhe në të gjitha territoret palestineze të pushtuara.
