Policia e Tiranës ka arrestuar 29-vjeçarin H. R., pasi akuzohet për shitjen e veshjeve dhe aksesorëve me logo të dyshuara false në dyqanin e tij.
Gjatë operacionit “Etiketa”, u zbuluan produkte që nuk kishin fatura blerjeje dhe nuk lëshoheshin kupona shitjeje, duke shmangur kështu detyrimet tatimore.
Në dyqanin e tij në rrugën “Sulejman Delvina” u sekuestruan veshje, çanta, syze dhe ora me marka ndërkombëtare të dyshuara false. H. R. nuk kishte dokumente që vërtetonin origjinën e mallrave.
Materialet iu referuan Prokurorisë për veprime të mëtejshme.
