Kreu i Partisë Demokratike, Sali Berisha, përjetoi një moment të pazakontë gjatë fjalës së tij në Asamblenë Parlamentare të Këshillit të Europës, ku po diskutonte mbi Shqipërinë si një “narkoshtet”.
Ndërsa po fliste, drejtuesja e seancës i fiku mikrofonin, duke e bërë incidentin viral, megjithatë Berisha vazhdoi të fliste në sallë.
“Fjala në Strasburg për diskutantët është gjithmonë dy minuta dhe ajo ndërpritet automatikisht. E vërteta është se unë e dija këtë, isha i vetëdijshëm dhe natyrisht që pjesën më pikante ia kisha rezervuar Ramës që në minutën e parë, kurse në minutën e fundit unë e dija se ajo ndërpritet, por unë vazhdova se kamera funksionon pavarësisht se zëri shuhet. Mua më interesonte kamera dhe kërkova qeverinë teknike.”
